Feira de produtos locais em Redondela

O passado 11 de Junho celebrou-se em Redondela, um mercado de producão local de base ecológica. Acudiram produtores e produtoras da comarca, que nos ofereceram uma grande variedade de produtos das suas hortas. A Feira estivo acompanhada duma exposição de sementes da Rede Galega.

Loaira apoiou esta proposta na linha do trabalho desenvolvido de mãos dadas com as produtoras e produtores da comarca, visando ampliar a produção de alimentos de base ecológica na nossa zona.

Loaira denuncia criminalización do movemento polos dereitos dos animais

Desde Loaira, asociación para o consumo responsábel queremos expresar a nosa preocupación ante a recente operación policial contra activistas polos dereitos dos animais rexistrada en diferentes cidades de Galiza e España a pasada semana. A nosa asociación leva anos traballando a prol dunha maior conscienciación da sociedade sobre as graves consecuencias que o noso consumo ten na realidade mundial. A existencia de granxas para a explotación intensiva dos animais é un reflexo dun modelo económico que ten graves repercusións sociais e medioambientais.
Seguir lendo

Visita à Horta do Cadaval

O passado domingo 15 de maio, Loaira organizou uma visita à Horta do Cadaval, o projecto que Belén e Jacobo desenvolvem na freguesia de Reboreda. A proximidade do lugar permitiu-nos fazer uma linda caminhada até ali. Canda eles visitamos as suas parcelas, seguimos com interesse as explicações que nos iam fornecendo sobre a sua produção. Agora é época de intenso trabalho no agro, pois é momento de plantar grande parte da produção. Mostraram-nos os alcouves que eles realizam e que estão preparados para ser plantados. Falaram-nos das variedades locais que estão intentando recuperar em colaboração com a Rede Galega de Sementes. Falaram-nos também dos projectos e ideias que andam argalhando. Depois da visita, partilhamos um jantar com eles à beira do Alvedosa.
A visita enquadra-se na ideia de mantermos contato com as pessoas que nos subministram produtos frescos, estreitando os laços de relação e confiança com os produtores e produtoras, um dos eixos em que se baseia o consumo transformador.

Alternativas á banca

A Asociación Alén Nós e a Asociación de Consumo Responsábel Loaira organizan unha mesa redonda sobre “Às alternativas á banca”, que se celebrará o día 5 de maio ás 20:30h no Multiusos da Xunqueira.

A charla, contará coa presenza de membros de FIARE, AIS O PETO e COOP 57,

que nos explicarán cómo estes proxectos poden ser unha alternativa á banca desde unha perspectiva social.

O noso obxectivo é dar a coñecer unha alternativa ó sistema financeiro convencional, no que a través dun modelo máis transparente e participativo, os seus usuarios/as decidan que se ha de facer cos seus cartos.

Actividades mes de Febreiro

Ao longo deste mes de Febreiro Loaira vai desenvolver unha serie de actividades en Redondela. Con elas pretendemos fomentar o debate e a reflexión arredor de ideas que consideramos poden contribuír á transformación desta sociedade na que vivimos. Por que conformarse?

O venres 4 de febreiro ás 20:30h no Multiusos da Xunqueira, comezaremos cunha charla. Xabier Rodríguez da Coop. de Consumo Responsábel Árbore, Belén Fervenza labrega de Horta do Cadaval e Chus Diéguez de Loaira, vannos falar dende diferentes puntos de vista do consumo responsábel como ferramenta de transformación.
Continuaremos o xoves 17 co documental “A Nova Aldea”, de Carlos Oro, tamén no Multiusos ás 20:30h. Diferentes historias arredor de iniciativas orixinais amosarannos que vivir no rural, achegados á natureza, é posíbel.

E o venres 25, desta vez na Casa da Torre ás 20:00h, remataremos cunha charla sobre horticultura urbana. Vivir nun entorno urbano non significa ter que renunciar ao contacto coa natureza. Así o entende Ramón Paz, da Asociación Galega de Horticultura Urbana, que nos falara de experiencias de cultivos en macetas, terrazas, xardíns….

Agardamos contar coa vosa presenza.

Os fabricantes reducen a vida útil dos produtos para incentivar o consumo

“Mercar, tirar, mercar”, un documental que se ven de estrear en TV3 e que tamén se poderá ver en TVE, denuncia unha práctica habitual por parte da industria: a obsolescencia programada. É dicir, a vida dos produtos acórtase premeditadamente para incentivar o consumo. Medias que rompen cando existen febras irrompíbeis, baterías de reprodutores mp3 deseñadas para ter unha duración curta… e muitos outros exemplos.

Fotografía de Andrew McConnell

O documental, ademais, tamén revela como moitos destes produtos de consumo rápido rematan en vertedeiros no Terceiro Mundo. “Ás veces tosemos e pómonos enfermos”, declaran nenos e nenas que queiman plásticos neses vertedeiros para recuperar metais. Máis info en Público.

P.S. Agora tamén se pode ver en youtube

O 21 de agosto de 2010 entramos en déficit ecolóxico

O 21 de agosto de 2010 o consumo desaforado de parte da Humanidade xa tiña devorado todos os recursos que o planeta produce nun ano. É dicir, todo o que consumimos dende ese día son recursos que non se repoñen. Estamos a desbaratar os nosos aforros ecolóxicos .

Este día no que entramos en débeda ecolóxica chega cada ano máis cedo, o que debería acender todas as alarmas e levarnos a por fin a un sistema irracional e insostíbel. Pois mentres o planeta se esgota, desbaldamos recursos absurdamente. Na New Economics Foundation (en inglés) apuntan algúns exemplos do último ano sobre o Reino Unido, que:

  • Exportou 131.000 toneladas de chicle a España e importou 125.000
  • Exportou 3.300 toneladas de xoguetes a Nova Zelandia e importou 2.400 de volta
  • Exportou 43.ooo toneladas de caramelo a Francia e importou 39.000 á súa vez.

Nova Feira de Troco. Especial Xoguetes e Agasallos

O próximo sábado 18 de decembro a partir das 11:00 nos soportais da Casa do Concello de Redondela terá lugar unha nova edición da Feira deTroco especial xoguetes e agasallos.

A Feira do Troco, continuación doutras edicións celebradas ao longo deste ano, pretende amosar unha alternativa de consumo á marxe da lóxica mercantilista do capitalismo. A proximidade das festas do Nadal, caracterizadas por un alto grao de consumo, nin sempre xustificado, resulta un momento idóneo para pór en práctica este sistema de intercambio. O troco baséase no valor de uso dos obxectos e non no seu valor monetario. Algo que para unha persoa chegou a ser inútil, pode resultar interesante e servíbel para outra.

A iniciativa pretende provocar na cidadanía unha reflexión sobre o modelo habitual de consumo do Nadal. O efecto que provocan agasallos e xoguetes entre os pequenos e queridos non está relacionado co valor monetario dos mesmos, a súa grande cantidade ou coa súa condición de obxectos novos. Polo contrario, o agradecemento, ilusión, sorpresa e ledicia de recibir e ofrecer un agasallo no Nadal baséase no feito do intercambio e no acerto dos obxectos intercambiados. A Feira de Troco ofrece estas condicións e, ao tempo, renova os usos de obxectos esquecidos.

Esta nova edición especial xoguetes e agasallos, pretende contribuír a construír un Nadal máis consciente da nosa relación co noso entorno. O sábado pode ser unha boa oportunidade para trocar algún xoguete ou agasallo.

O sistema de troco do sábado é moi sinxelo. As persoa interesadas poden levar aos soportais da Casa do Concello ata catro obxectos aos que non lle dean uso, mais que estean en bo estado. Entre as 11:00 e as 12:30 recolleranse eses obxectos entregándose un vale numerado por cada un deles. Entre as 12:30 e as 13:30 os vales poderanse trocar polos obxectos depositados. Cada vale pode ser trocado por un obxecto. No caso de que dúas ou máis persoas estean interesadas nun mesmo obxecto, darase prioridade á numeración dos vales.

Apaguem esses néons!!!

Ativismo e imaginação na França. O “clan du Néon” abriu uma nova fronte de ativismo social. Reivindicam, mediante a ação direta não violenta, o apagado dos néons, pois acham que os manter acessos resulta um esbanjamento energético e uma agressão publicitaria que não faz sentido. Têm grupos ativos nas principais cidades do país. As luzes de néon são uma das fontes de poluição luminosa dos nossos espaços públicos…

Hortas Urbanas, agromar de novas experiências

Por toda parte agrumam novas experiências de hortas urbanas. Grande parte destes projectos estão a ser iniciativas das administrações municipais. É o caso das que desenvolvem o concelho de Culheredo ou a câmara municipal de Ponte de Lima, e que aparece recolhida no vídeo.
Recuperar espaços agrários sem uso, implicar a cidadania  na produção de alimentos, estimular hábitos alimentares saudáveis entre a povoação, encontram-se entre os objectivos que definem as mais das iniciativas criadas.